12 Rabi Ul Awal Ka Wazifa

Musalmano ke liye din raat ki har saat ibadat o inamat se bharpoor hoti ha. Wo jis waqt bhi Allah ka zikre kaseer karta ha us par Allah ki rehmatein nazil hoti hein aur uske darjaat barhte hein. Taham kuch din aur raaein aesi barkaat se labrez hoti hein ke in dino mein ki gai ibadat ajar o sawab ziyada milta ha. Shab e barat, shab e meraj, lailatul qadar, aashura, eiden aur juma tul mubarak ke din aur raton ki tarah 12 Rabi Ul Awal ke mubarak din ko bhi ye sa'adat hasil ha ke jo musalman is din ki nisbat se ye Wazifa parhta ha to us par poora saal khair o aafiyat ka nuzool hota ha aur khush haali aati ha. Sheikh ul mashaikh Hazrat Muhammad Ghos Gawalyari se manqool ha ke jo Musalman 12 Rabi Ul Awal ke roz 11 martaba Allah Ta'la ke in asma e girami ka zikar karta ha to Zakir ko Mehboob e Khuda ke wiladat ke din ki nisbat se behad rohani darja milta ha.

Wazifa kuch is tarah karna ha ke awal o aakhir 1 1 baar Darood Shareef prhein aur darmiyan mein 11 martaba Ya Allahu Ya Rahmanu Ya Ghafooru Ya Raheemu Ya Hannanu Ya Mannanu Ya Dayyanu Ya Subhanu parhna ha. Insha Allah is amal ki barkat se har dukhi dil ko sukoon milega, poora saal rizq ki farawani hogi maal o dolat mein izafa hoga aur beemaron ko shifa naseeb hogi.